جکارتہ : انڈونیشیا کے جزیرہ سولاویسی میں شدید نوعیت کے زلزلے نے عمارتیں منہدم کردیں۔
غیر ملکی خبر رساں ادارے کی رپورٹ کے مطابق جزائر پر مشتمل ریاست انڈونیشیا میں ایک مرتبہ پھر زلزلوں نے تباہی مچائی ہے۔
خبر ایجنسی کے مطابق انڈونیشیا کے جزیرہ سولاویسی میں 6.2 نوعیت کا زلزلہ محسوس کیا گیا، جس سے سولاویسی میں واقع ہوٹل سمیت کئی بڑی عمارتیں گرگئیں۔
خبر ایجنسی کا کہنا ہے کہ زلزلے کے باعث اسپتال زمین بوس ہوگیا جس کی وجہ سے مریض اور عملہ ملبے تلے دب گئے۔
انڈونیشیائی حکام کا کہنا ہے کہ زلزلے کے نتیجے میں سات افراد ہلاک جبکہ سیکڑوں زخمی ہوئے ہیں۔
انڈونیشیا میں زلزلے سے ہلاکتوں کی تعداد 30 ہوگئی، لاکھوں افراد بے گھر
خیال رہے کہ کچھ ماہ قبل انڈونیشیا کے مشرقی صوبے ملوکو میں زلزلے نے تباہی مچادی تھی، جس کے نتیجے میں 30 سے زائد افراد ہلاک جبکہ ، لاکھوں افراد تاحال بے گھر ہیں۔