جکارتہ : پانچ سال کی عمر میں اغوا ہونے والا بچہ 11 سال بعد گوگل کی مدد سے اپنے اہل خانہ تک پہنچ گیا۔
غیر ملکی خبر رساں ادارے کی رپورٹ کے مطابق نوجوان کے اہلخانہ سے ملنے کا واقعہ انڈونیشیا میں پیش آیا جہاں ارون نامی 17 نوجوان کو ایک اسٹریٹ پرفارمر نے زبردستی اٹھالیا تھا تاکہ وہ اس کے ساتھ شرکت کرسکے۔
متاثرہ نوجوان نے بتایا کہ دو سال بعد اسٹریٹ پرفارمر کو پولیس نے گرفتار کرلیا جس کے بعد مجھے پولیس نے ایک یتیم خانے میں چھوڑ دیا۔
نوجوان نے میڈیا کو بتایا کہ یقیم خانے میں ہر گزرتے دن کے ساتھ میں میرے دل میں اہلخانہ کی یاد بڑھتی جارہی تھی اور مجھے وہ مارکیٹ یاد آرہی تھی جہاں میں اپنی دادی کے ہمراہ جایا کرتا تھا۔
میڈیا رپورٹس کے مطابق نوجوان نے 17 سال کی عمر میں گوگل کی مدد سے اس مارکیٹ کو تلاش کیا اور یتیم خانے کی انتظامیہ کے تعاون سے دوبارہ اپنے اہلخانہ تک پہنچ گیا۔
