نئی دہلی: بھارت کو دریائے سندھ کا پانی روکنے کی صلاحیت کے حصول کے لیے کتنے سال چاہیئں؟ ہندو پنڈت نے اس حوالے سے اہم انکشاف کیا ہے۔
بھارتی میڈیا رپورٹس کے مطابق ایک ہندو پنڈت نے پاکستان کا پانی روکنے کے بھارتی دعوؤں کا پول کھول دیا ہے، مودی پر تنقید کرتے ہوئے ہندو پنڈت نے کہا کہ مودی سرکار پانی کی سیاست سے عوام کو بے وقوف بنا رہی ہے۔
پنڈت نے کہا ہم نے معلوم کیا تو پتا چلا کہ بھارت کے پاس دریائے سندھ کا پانی روکنے کا کوئی بندوبست نہیں ہے، بھارتی حکومت انڈس کا پانی روکنے پر کام کرے تو کم از کم 20 سال چاہئیں۔
انھوں نے کہا مودی سرکار ایسے ہی کہتی رہی کہ ہم پاکستان کا پانی روک دیں گے، اس کا مطلب ہے بھارتی عوام کو بے وقوف بنایا جا رہا ہے، ہم کہہ رہے ہیں کہ کسی نہ کسی کی تو ناکامی ہے جس کی ہے اسے پکڑو۔
اشتعال انگیزی کا نتیجہ، بھارتی پروازیں غیر معمولی تاخیر کا شکار ہونے لگیں
واضح رہے کہ پڑوسی ملک بھارت کی جانب سے پاکستان کے خلاف سندھ طاس معاہدے کی معطلی کے اعلان کے بعد بھارت خود اس کا نقصان اٹھا رہا ہے، کیوں کہ پاکستان نے اس کو منہ توڑ جواب دینے کے لیے اپنی فضائی حدود بند کر دی تھیں، جس کی وجہ سے بھارتی پروازیں غیر معمولی تاخیر کا شکار ہونے لگی ہیں۔
