اسلام آباد : مالی سال2018-19کے دسویں ماہ ( اپریل 2019ء ) کے آخری ہفتے میں مہنگائی کی شرح میں 0.25 فیصد کمی ریکارڈ کی گئی، جبکہ کم آمدنی والے طبقے کے لئے قیمتوں کے حساس اشاریئے میں 0.21 فیصد کمی ریکارڈ کی گئی۔

پاکستان بیور و  شماریات کے اعداد و شمار کے مطابق یکم مئی کو ختم ہونے والے ہفتے کے دوران ایل پی جی ،آٹا ،روٹی سادہ ،لہسن ،کیلے،دال مسور ، چنے کی دال ، دال مونگ ، دال ماش، چینی ،گڑ ،بیف،مٹن، ملک پاؤڈر،تازہ دودھ ، دھی، سرخ مرچ ،خوردنی تیل، نمک ،اری چاول ،سمیت 18 اشیائے ضروریہ کی قیمتوں میں اضافہ ہوا۔

زندہ مرغی، انڈے، ٹماٹر،پیاز ،آلو،گندم، ویجی ٹیبل گھی ،سمیت 8اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق پیٹرول ، ہائی سپیڈ ڈیزل، مٹی کاتیل ،گیس نرخ ، بجلی کے نرخ ،چائے، سگریٹ،مسٹرڈ آئل ،باسمتی چاول ، صابن ، سمیت 27 اشیائے کی قیمتوں میں استحکام رہا۔

ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.23، 0.25 ،0.25 اور 0.24 فیصد کمی ریکارڈ کی گئی۔