اسلام آباد : مالی سال 2018-19ء کے گیارہویں ماہ ( مئی 2019ء ) کے دوسرے ہفتے میں مہنگائی کی شرح میں 0.32 فیصد کمی ریکارڈ کی گئی، جبکہ کم آمدنی والے طبقے کے لئے قیمتوں کے حساس اشاریئے میں 0.33 فیصد کمی ریکار ڈ کی گئی۔

پاکستان بیورو شماریات کے اعداد و شمار کے مطابق 17 مئی کو ختم ہونے والے ہفتے کے دوران ایل پی جی ،گندم، آٹا ،روٹی سادہ ،لہسن ،کیلے، دال مونگ ، دال ماش، چینی ، گڑ، بیف،مٹن، مسٹرڈ آئل ،ملک پاؤڈر،خوردنی تیل، نمک ،اری چاول ،آلو،ویجی ٹیبل گھی ،سمیت 19 اشیائے ضروریہ کی قیمتوں میں اضافہ ہوا۔

زندہ مرغی، انڈے، ٹماٹر،پیاز ،دال مسور ، چنے کی دال ، سرخ مرچ ،سمیت 7اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق پیٹرول ، ہائی سپیڈ ڈیزل، مٹی کاتیل ،گیس نرخ ، بجلی کے نرخ ،چائے، سگریٹ،تازہ دودھ ، دھی، باسمتی چاول ، صابن ، سمیت 27 اشیائے کی قیمتوں میں استحکام رہا۔

ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.32، 0.34 ،0.33 اور  .0.30 فیصد کمی ریکارڈ کی گئی۔