اسلام آباد : مسلم لیگ ن ، پیپلز پارٹی اور اتحادیوں کی جانب سے مولانا فضل الرحمان کو منانے کی کوشش ناکام رہی، جے یو آئی نے کہا کہ ہم نے فیصلہ کیا کہ حکومت سازی میں حصہ نہیں لیں گے۔
تفصیلات کے مطابق مسلم لیگ ن ، پیپلز پارٹی اور اتحادیوں کی مولانا فضل الرحمان سے ملاقات کی اندرونی کہانی سامنے آگئی۔
ذرائع نے بتایا کہ مولانا نے شدید تحفظات کا اظہار کرتے ہوئے ماضی کی سیاسی جدوجہد ، قربانیوں کے تذکرے اور یاددہانیاں کرائیں ساتھ ہی الیکشن کمیشن اور دیگر اداروں پر تحفظات ظاہر کئے۔
حکومتی وفد نے جے یو آئی سے اپنے فیصلے پر نظر ثانی کی درخواست کی اور اعلیٰ عہدوں اور، اسپیکر و ڈپٹی اسپیکر کے لئے حمایت پر اصرار کیا۔
جس پر جے یو آئی نے کہا کہ ہم نے فیصلہ کیا کہ حکومت سازی میں حصہ نہیں لیں گے، ہمیں تحفظات ان سے ہیں جنہوں نے الیکشن کروائے۔
ذرائع کے مطابق آج پارلیمنٹ ہاؤس میں اتحادی مولانا کو منانے کی ایک اور کوشش کریں گے۔
.
ذرائع کا کہنا ہے جے یو آئی ملک گیر احتجاج کی تیاریوں میں ہے، مولانا آج یا کل سندھ کے دورے پرروانہ ہو ں گے۔
