شوبز انڈسٹری کی معروف اداکارہ یشما گل کا کہنا ہے کہ انڈسٹری میں کوئی کرش نہیں لیکن میں فیروز خان کی شخصیت سے متاثر ہوں۔
اداکارہ یشما گل نے گزشتہ دنوں پوڈ کاسٹ میں شرکت کی اور نجی زندگی، اداکاری، مستقبل کے منصوبوں سمیت متعدد موضوعات پر گفتگو کی۔
انہوں نے کہا کہ جلد شادی کرنا چاہتی ہوں لیکن کوئی مل نہیں رہا دعا کریں جیسے ہی کوئی مل جائے گا تو شادی کرلوں گی۔
یشما گل نے کہا کہ 29 برس کی ہوچکی ہوں لیکن کوئی شخص پسند کے مطابق نہیں ملا میری والدہ بھی اکثر کہتی ہیں کہ تم شادی کب کرو گی انڈسٹری میں کسی کو ڈھونڈ لو جس پر میں انہیں یہی کہتی ہوں کہ جب کوئی پسند آئے گا تو فوری شادی کرلوں گی۔
View this post on Instagram
اداکارہ نے کہا کہ ایسا نہیں ہے کہ خود مختار عورت کو زندگی میں کسی کے ساتھ کی ضرورت نہیں ہوتی کسی کا ساتھ زندگی میں بہت ضروری ہے تاہم محبت میرے لیے ایک احساس ہے جو جس کا وجود بغیر کسی وجہ کہ ہونا چاہیے۔
ایک سوال کے جواب میں یشما گل نے کہا کہ ’ایک وقت تھا جب شدید ڈپریشن کا شکار ہوگئی تھی، یہ وہی وقت تھا جب میں نے دین کو مزید گہرائی میں جانا اور اپنے ایمان کو مزید مضبوط اور مستحکم بنایا۔
View this post on Instagram
واضح رہے کہ یشما گل متعدد ڈراموں میں اداکاری کے جوہر دکھا چکی ہیں، اے آر وائی ڈیجیٹل کے ڈرامہ سیریل ’آزمائش‘ میں انہوں نے منفی کردار نبھایا تھا۔