فوٹو اینڈ ویڈیو شیئرنگ ایپلی کیشن انسٹا گرام نے مختصر ویڈیوز کے لیے مقبول ایپ ٹک ٹاک کا ایک اور فیچر کاپی کرلیا ہے۔
ٹیک کرنچ کے مطابق انسٹا گرام نے ٹک ٹاک جیسی فل اسکرین فیڈ کی آزمائش کی ہے۔ اس سے صارفین کو انسٹا گرام پر ٹک ٹاک کی طرح فوٹوز اور ویڈیوز ورٹیکل شکل میں نظر آئیں گی۔
سماجی رابطے کی ویب سائٹ ٹوئٹر پر انسٹاگرام کے سربراہ ایڈم موسری اس کی تصدیق کرتے ہوئے بتایا کہ تصاویر اور ویڈیوز زیادہ بڑی شکل میں ہوم فیڈ پر نظر آئیں گی۔
کمپنی کی جانب سے شیئر کی گئی تصویر میں دیکھا جا سکتا ہے کہ لائیکس، کمنٹس اور کیپشنز کے فیچر پوسٹ کے اوپر نظر آ رہے ہیں۔
اسٹوریز کے حوالے سے کمپنی کا کہنا ہے کہ صارفین کی جانب سے اسکرولنگ کرنے پر اسٹوریز اسکرین کے اوپر نظر آئیں گی۔
یہ تبدیلی کب تک صارفین کے لیے متعارف کرائی جائے گی، اس حوالے سے کچھ نہیں کہا گیا۔
📣 Testing Feed Changes 📣
We’re testing a new, immersive viewing experience in the main Home feed.
If you’re in the test, check it out and let me know what you think. 👇🏼 pic.twitter.com/dmM5RzpicQ
— Adam Mosseri (@mosseri) May 3, 2022
