فوٹو اور ویڈیو شیئرنگ ایپ انسٹاگرام نے نئے فیچر ’ری پوسٹ‘ کی آزمائش شروع کردی ہے۔
میٹا کی زیرملکیت ایپ انسٹاگرام نے اس فیچر کی آزمائش کی تصدیق کی ہے جس کی مدد سے صارفین دیگر افراد کے مواد کو اپنی فیڈ پر شیئر کرسکیں گے۔
یہ نیا فیچر ٹوئٹر کے ری ٹوئٹ سے ملتا جلتا فیچر ہے یا فیس بک کے ری شیئر فیچر سے بھی مماثلت رکھتا ہے۔
انسٹاگرام میں اسٹوریز میں تو دیگر افراد کی پوسٹس شیئر کرنا ممکن ہے مگر کسی پوسٹ کو آپ ابھی فیڈ پر ری شیئر نہیں کرسکتے۔
Instagram Reposts Tab on profiles?!
What’s dis Adam? pic.twitter.com/WayWCJGBfx
— Matt Navarra (@MattNavarra) September 7, 2022
میٹا کے ایک ترجمان کے مطابق محدود صارفین کو یہ نیا فیچر دستیاب ہے اور بہت جلد اسے عام صارفین کے لیے پیش کیا جائے گا۔
ترجمان کے مطابق ہم فیڈ پر پوسٹس ری شیئر کرنے کے فیچر کی آزمائش کررہے ہیں تاکہ صارفین اپنی پسند کا مواد شیئر کرسکیں اور کریڈٹ بھی اصل اکاؤنٹ کے پاس رہے۔
