The news is by your side.

صرف ذہین افراد ہی اس تصویر میں نقص تلاش کرسکتے ہیں

اس تصویر میں ایسا کیا ہے؟ جس نے دیکھنے والوں کو الجھا دیا ہے، آج ایک اور تصویری پہیلی کے ساتھ حاضر ہیں، آپ نے جلد سے جلد غلطی کی نشان دہی کرنی ہے۔

غور سے دیکھیں اس تصویر کو اور بتائیں کہ اس میں کیا گڑبڑ ہے؟ ویسے صرف ذہین لوگ ہی اس کا جواب دے سکتے ہیں۔ سوشل میڈیا پر اکثر ایسی تصویری پہیلیاں وائرل ہوجاتی ہیں جو دیکھنے والوں کو ذہنی طور پر اُلجھا کر رکھ دیتی ہیں۔

آج ہم آپ کیلئے ایک ایسی ہی پہیلی کے ساتھ حاضر ہوئے ہیں جس میں آپ کو دیکھنا ہے کہ تصویر میں ایسی کیا چیز ہے جو ناممکن سی بات ہے؟

اس تصویر کو پیلے کاس نامی ویب سائٹ پر شائع کیا گیا اور جیسا آپ دیکھ سکتے ہیں کہ اس میں متعدد افراد ایک پارک میں کھیل رہے ہیں مگر پھر بھی اس میں ایک تیکنیکی خرابی ہے۔

تو کیا آپ اس خرابی کو ڈھونڈنے میں کامیاب ہوگئے؟ اگر نہیں تو چلیں ہم بتا دیتے ہیں۔

مذکورہ تصویر کو غور سے دیکھیں اور اس میں موجود تمام افراد کے پیروں کو دیکھیں تو آپ دیکھیں گے کہ حیران کن طور پر سب کا ایک پاﺅں آگے اور ایک پیچھے کی جانب ہے۔

یہ بات لگ بھگ ناممکن ہے کہ ایک ہی وقت میں درجنوں افراد کا دایاں یا بایاں پیر آگے پیچھے ہو اور وہ کیمرے کی آنکھ میں محفوظ ہوجائے مگر ایسا کیسے ہوگیا؟

اس پہیلی کا جواب دیتے ہوئے ویب سائٹ نے بتایا ہے کہ پہلے اس مقام کی مختلف اوقات میں متعدد تصاویر لی گئیں اور اسٹوڈیو میں واپس جاکر ان میں سے کچھ خاص لوگوں کا انتخاب کرکے انہیں ایک تصویر میں اکھٹا کردیا گیا۔

ویب سائٹ کے بقول ہم نے کسی چیز کو تبدیل نہیں کیا اور نہ ہی کسی شخص کو اپنی جگہ سے ہٹایا، بس یہ فیصلہ کیا کہ کس کو تصویر میں رہنا چاہئیے اور کس کو نکال دینا چاہئیے۔

Comments

یہ بھی پڑھیں