دلچسپ واقعے نے بگ بیش لیگ کے سیزن 10 کو یادگار بنا دیا۔ بیٹسمین کے ایک ہی گیند پر 2 بار رن آوٹ ہونے کا منظر اپنے ساتھ کئی یادیں چھوڑ گیا۔
اس اہم میچ میں سڈنی تھنڈر نے ایڈیلیڈ اسٹرائیکرز کو شکست دے کر فائنل کا ٹکٹ کٹایا تاہم میچ کا ایک دلچسپ پہلو بھی ریکارڈ کا حصہ بن گیا۔
ایڈیلیڈ اسٹرائیکرز کے بلے باز جیک ویدرلڈ ایک ہی گیند پر 2 بار رن آوٹ ہوئے اور وہ بگ بیش لیگ کے کسی بھی سیزن میں ایک ہی گیند پر 2 مرتبہ رن آوٹ ہونے والے پہلے کھلاڑی بن گئے ہیں۔
What just happened?! Jake Weatherald somehow got run out at both ends, on the same ball! 🤯
A @KFCAustralia Bucket Moment | #BBL10 pic.twitter.com/eLRurkBQtp
— KFC Big Bash League (@BBL) January 24, 2021
بیٹسمین فل سالٹ کی شاٹ پر بولر گرین کے ساتھ کو گیند چھوتی ہوئی وکٹ پر جا لگی اور نان اسٹریکر اینڈ پر موجود بیٹسمین جیک ویدرلڈ کریز سے باہر ہونے پر رن آوٹ ہوئے۔
بولر نے آوٹ کی اپیل کی اور اسی اثنا میں فیلڈر نے گیند اٹھا کر وکٹ کیپر کو پھینکی، رن لینے کے لیے دوڑتے ہوئے ویدرلڈ رن مکمل نہ کر سکے اور وکٹ کیپر نے انہیں آوٹ کر دیا۔
یوں بی بی ایل میں یہ دلچسپ واقعہ تاریخ کا حصہ بن گیا۔ آوٹ ہونے کی یہ ویڈیو سوشل میڈیا پر وائرل ہوگئی ہے اور لوگ اپنے اپنے انداز میں اس پر تبصرہ کررہے ہیں۔
