لاہور: نگراں وزیر اعلیٰ پنجاب محسن نقوی نے سابق وزیر اعظم و چیئرمین پی ٹی آئی عمران خان کی گرفتاری کے بعد صوبے کے مختلف شہروں میں ہونے والے احتجاجی مظاہروں پر اپنے ردعمل کا اظہار کر دیا۔
نگراں وزیر اعلیٰ محسن نقوی نے کہا کہ یہ سیاست نہیں دہشتگردی ہے، ریاست پاکستان پر حملہ کرنے والوں کو نہیں چھوڑیں گے، قانون ہاتھ میں لینے والے عناصر سے آہنی ہاتھوں سے نمٹا جائے گا۔
This is not Politics, it’s sheer terrorism. My promise to the Nation that we will not spare a single one who is involved in this attack on the state of Pakistan
— Mohsin Naqvi (@MohsinnaqviC42) May 9, 2023
محسن نقوی نے کابینہ کی اسٹینڈنگ کمیٹی برائے امن کو ہدایت کرتے ہوئے کہا کہ پنجاب میں امن کی فضا قائم رکھنے کیلیے مؤثر اقدامات کیے جائیں، کمیٹی اور آئی جی صورتحال کو مانیٹر کریں اور حالات کے مطابق اقدامات کریں۔
انہوں نے ہدایت کی کہ عوام کے جان و مال کا تحفظ یقینی بنایا جائے، احتجاج کی آڑ میں معمولات زندگی میں خلل ڈالنے کی اجازت نہیں دی جا سکتی۔
ذرائع کے مطابق وزیر اعلیٰ نے اسٹینڈنگ کمیٹی برائے امن و امان کا اجلاس بھی طلب کر لیا جس میں صوبے میں امن و امان کی صورتحال کا جائزہ لیا جائے گا۔