اسلام آباد: وفاقی وزیر خزانہ اسحاق ڈار کو نگران وزیر اعظم کے ساتھ نگران وزیر خزانہ بھی بنانے کی تیاری جاری ہے۔
تفصیلات کے مطابق نگران سیٹ اپ میں وزیر خزانہ اسحاق ڈار کو وزارت خزانہ امور کی نگرانی بھی سونپنے کا امکان ہے جس کے لیے وزیر خزانہ اسحاق ڈار نے نگران سیٹ اپ میں وزارت خزانہ امور کی نگرانی کیلئے پلان بنا لیا۔
ذرائع وزارت خزانہ کا بتانا ہے کہ پلان کے مطابق چین، سعودی عرب، یو اے ای، آئی ایم ایف سے اسحاق ڈار مسلسل رابطے میں رہیں گے، آئی ایم ایف شرائط پر عملدرآمد کیلئے اسحاق ڈار نے نگران سیٹ اپ میں عملدرآمد کی یقین دہانی کرا دی ہے۔
نگران سیٹ اپ اور عام انتخابات، وزیراعظم نے کمیٹی بنا دی
ذرائع وزارت خزانہ کا بتانا ہے کہ نگران سیٹ اپ کے دوران بیرونی ادائیگیوں کو بھی بروقت ادا کیا جائے گا، ایئرپورٹس کی آؤٹ سورسنگ، یو اے ای سے سرمایہ کاری لانے کیلئے اسحاق ڈار کام کریں گے۔
ذرائع وزارت خزانہ کا کہنا ہے کہ نگران سیٹ اپ میں وزارت خزانہ امور موجودہ پالیسی پر چلانے کیلئے دوست ممالک کو یقین دہانی کراچکے ہیں، اسحاق ڈار کو ٹیم معاشی صورتحال اور آئی ایم ایف پروگرام پر عملدرآمد سے آگاہ رکھے گی۔
