وزیر داخلہ پنجاب کرنل (ریٹائرڈ) محمد ہاشم ڈوگر نے وزیراعظم کے مشیر اور ن لیگی رہنما عطا تارڑ سے متعلق ایک دلچسپ ٹوئٹ کیا ہے۔
وزیر داخلہ پنجاب ہاشم ڈوگر نے سماجی رابطوں کی ویب سائٹ ٹوئٹر پر ن لیگی رہنما سے متعلق ٹوئٹ کرتے ہوئے لکھا ہے کہ عطا تارڑ صاحب آپ نے جلال پور بھٹیاں میں تشریف لانا تھا۔
اے آروائی نیوز براہِ راست دیکھیں live.arynews.tv پر
ہاشم ڈوگر نے مزید لکھا ہے کہ آپ نہیں آئے میں نے آپ کی کافی کا انتظام کیا ہوا تھا اور ارادہ کرلیا ہے کہ عطا تارڑ کو کافی پلا کر ہی رہوں گا۔
جلال پور بھٹیاں میں عطا تارڑ صاحب آپ نے تشریف لانی تھی۔ آپ تو آے ہی نہیں۔ آپ کی coffee کا انتظام کیا ہوا ہے۔ میں نے بھی پکا ارادہ کر لیا ہے آپ کو coffee پلا کے ہی رہوں گا۔ انشاللہ#coffee_with_Hashim
— Col (R) Muhammad Hashim| Home Minister Punjab. (@ColhashimDogar) August 14, 2022
واضح رہے کہ ن لیگی رہنما اور وزیراعظم شہباز شریف کے معاون خصوصی عطا تارڑ نے عدالت سے حفاظتی ضمانت حاصل کرلی ہے۔
لیگی رہنما نے تھانہ قلعہ گجر سنگھ میں درج مقدمے میں حفاظتی ضمانت کی درخواست دائر کی تھی۔ جس میں موقف اختیار کیا تھا کہ میرے خلاف 25 مئی کو پی ٹی آئی کارکنوں پر تشدد کا مقدمہ درج ہے۔
یہ بھی پڑھیں: لیگی رہنما عطا تارڑ کو بڑا عدالتی ریلیف مل گیا
درخواست ضمانت میں وکیل عطاتارڑ کا کہنا تھا کہ مؤکل متعلقہ عدالت میں پیش ہونا چاہتا ہے لہذا ضمانت دی جائے۔