ترجمان وزارت داخلہ کا کہنا ہے کہ وزیرداخلہ رانا ثنااللہ نے اینٹی کرپشن پنجاب کیخلاف عدالت سےرجوع کرنےکا فیصلہ کیا ہے۔
ترجمان کے مطابق اینٹی کرپشن پنجاب نے 4 سال پرانے مقدمےکے ریکارڈ میں جعلسازی کی ہے اینٹی کرپشن پنجاب نےحقائق چھپا کر دھوکہ دہی کر کے وارنٹ حاصل کئے۔
ترجمان کا کہنا ہے کہ اینٹی کرپشن پنجاب اسلام آباد پولیس کو وارنٹ کیساتھ ریکارڈ فراہم نہیں کر رہی یہ حرکت وفاقی حکومت پرمہم جوئی کی مذموم سازش ہے۔
- Advertisement -
ترجمان نے کہا کہ ریکارڈ میں جعلسازی کرنےکےجرم میں ذمہ داران کیخلاف کارروائی کا فیصلہ کیا ہے دھوکہ دہی، جعلسازی اور ریکارڈمیں ٹیمپرنگ پر عدالت سے رجوع کرنےکا فیصلہ کیا گیا ہے۔
ترجمان کا کہنا تھا کہ وزیرداخلہ عدالت کا احترام کرتے ہیں ان کےہر فیصلے کو قدرکی نگاہ سےدیکھتے ہیں۔
