The news is by your side.

Advertisement

وزرات داخلہ کا اسلحہ لائسنس کے حوالے سے بڑا اقدام

اسلام آباد : وزارت داخلہ کی جانب سے ارکان پارلیمنٹ کا اسلحہ لائسنس کوٹہ سسٹم ختم کردیا گیا، ارکان صرف اپنے نام پر ایک لائسنس حاصل کر سکیں گے۔

تفصیلات کے مطابق وزرات داخلہ نے اسلحہ لائسنس کے حوالے سے بڑا اقدام اٹھاتے ہوئے تمام ارکان پارلیمنٹ کا کوٹہ سسٹم ختم کر دیا ، زرائع وزرات داخلہ کا کہنا ہے کہ ارکان صرف اپنے نام پر ایک لائسنس حاصل کر سکیں گے۔

زرائع نے مزید کہا کہ ممنوعہ بور کے لائسنس دینے کا اختیار وزیر داخلہ کے پاس ہو گا اور غیر ممنوعہ لائسنس سیکرٹری داخلہ جاری کر سکے گا۔

وزرات داخلہ کی جانب سے کہا گیا ہے کہ اسلحہ لائسنس کے لئے پرانا طریقہ کار نہیں چلے گا ، پیپلز پارٹی دور میں دو لاکھ اسلحہ لائسنس جاری کئے گئے، ایک لاکھ لائسنس کلانشنکوف اور 222رائفل کے جاری ہوئے۔

کابینہ وزرات داخلہ کو اسلحہ لائسنس جاری کرنے کی منظوری دے چکی ہے۔

Comments

یہ بھی پڑھیں