کراچی: انٹرنیشنل کارگو سروس کمپنی نے ایک سال سے بند امپورٹ ایکسپریس اور آوٹ باونڈ سروس شروع کرنے کا اعلان کر دیا۔
تفصیلات کے مطابق ڈالر مسائل کے باعث کمپنی نے گزشتہ سال انٹرنیشنل سروس بند کردی تھی، نئی حکومت بننے کے بعد ملک میں موجود غیر ملکی سرمایہ کار کمپنیوں کا اعتماد بحال ہوگیا، انٹرنیشنل کارگو کمپنی نے سروس شروع کرنے کا اعلان کردیا۔
کمپنی کی جانب سے جاری اعلامیے میں کہا گیا ہےکہ 15مارچ سے امپورٹ ایکسپریس اور آؤٹ باؤنڈ 70 کلو گرام سروس دوبارہ شروع کی جارہی ہے، زیر التو ترسیلات زر میں بہتری کے بعد کمپنی نے سروس دوبارہ شروع کرنیکا فیصلہ کیا ہے۔
اعلامیے کے مطابق صارفین کا موجودہ امپورٹ ایکسپریس اکاونٹ 15 مارچ 24 کو بحال ہو جائے گا، اکاونٹ بحال ہونے پر 70 کلو گرام سروس بھی فعال ہوجائے گی۔
واضح رہے کہ امپورٹ سروس مکمل بند ہونے سے ڈینم انڈسٹری کو پریشانی کا سامنا کرنا پڑا ہے۔
