انٹرنیٹ کی دنیا کے پرانے اور مقبول ترین براؤزر انٹرنیٹ ایکسپلورر کو باضابطہ طور پر بند کردیا گیا جس کے بعد سوشل میڈیا صارفین نے اس وقت کو یاد کرنا شروع کردیا جب وہ اس کا استعمال کرتے تھے۔
مائیکرو سافٹ نے ابتدائی طور پر 27 سال قبل 1995 میں انٹرنیٹ ایکسپلورر براؤزر متعارف کروایا تھا اور اس وقت وہی اکیلا براؤزر تھا۔
انٹرنیٹ ایکسپلورر کئی سال تک انٹرنیٹ کی پہچان بنا رہا تاہم 2004 میں موزیلا فاؤنڈیشن نے اس کی ٹکر میں فائر فوکس کو باضابطہ طور پر متعارف کرایا۔
اگرچہ فائر فوکس براؤزر 2002 میں ہی بن چکا تھا تاہم اسے عام صارفین کے لیے 2004 میں متعارف کرایا گیا، فائر فوکس کے بعد گوگل نے 2008 میں گوگل کروم براؤزر کو متعارف کروا کر سب کو پیچھے چھوڑ دیا۔
فائر فوکس اور گوگل کروم کے بعد انٹرنیٹ ایکسپلورر کو لوگ تقریباً بھول ہی گئے تھے تاہم مائیکرو سافٹ نے نئے براؤزر ایج کو گوگل کروم جیسا بنا کر اس حوالے سے اپنی بادشاہی واپس لینے کی کوشش کی لیکن اس کی کوششیں ناکام رہیں۔
انٹرنیٹ ایکسپلورر تمام ڈیسک ٹاپ کمپیوٹرز میں ڈیفالٹ براؤزر کے طور پر کام کرتا تھا، تاہم کمپنی نے 2020 میں اسے ختم کرنے کا اعلان کیا تھا۔
لیکن اب کمپنی نے تصدیق کی ہے کہ انٹرنیٹ ایکسپلورر ونڈوز 10 اور ونڈوز 11 کے صارفین کے لیے بھی دستیاب نہیں ہوگا اور 15 جون کے بعد براؤزر کسی بھی ڈیسک ٹاپ پر موجود نہیں ہوگا۔
مائیکرو سافٹ نے 4 سال قبل 2016 میں ہی صارفین کو انٹرنیٹ ایکسپلورر سے جان چھڑانے کا مشورہ دے کر عندیہ دیا تھا کہ ممکنہ طور پر کمپنی مذکورہ براؤزر کو بند کر دے گی۔
Say goodbye to the ever great Internet Explorer this June.🕊️ pic.twitter.com/E5BMHcByiv
— DeepCool (@Deepcoolglobal) May 31, 2022
کمپنی نے 2016 سے براؤزر کے پرانے ورژن کی سپورٹ بھی ختم کردی تھی تاہم ویب براؤزر کے نئے 2013 میں متعارف کروائے گئے گیارہویں ورژن کو سپورٹ فراہم کی جا رہی تھی۔
انٹرنیٹ ایکسپلورر کے مکمل طور پر بند ہوجانے کے بعد ٹویٹر صارفین نے مزاحیہ ٹوئٹس بھی کیں اور اسے 90 کی دہائی کے بچوں کی سب سے حسین یاد قرار دیا۔
It’s an search engine for others, but for me, it’s my childhood journey with internet. THANKS FOR YOUR SERVICE. ☺️ #InternetExplorer pic.twitter.com/OHqmYmnn0v
— Chandrabhan Paikara (@cb_paikara) June 13, 2022
After 27 years of service, Microsoft is going to retire Internet Explorer for good on June 15th. pic.twitter.com/rIpcHFWoU3
— Product Hunt 😸 (@ProductHunt) June 12, 2022
