پنجاب کابینہ: وزیرِ اعظم عمران خان کے وزرا سے انٹرویوز، وزرا کے ناموں اور قلم دانوں کا فیصلہ -
The news is by your side.

Advertisement

پنجاب کابینہ: وزیرِ اعظم عمران خان کے وزرا سے انٹرویوز، وزرا کے ناموں اور قلم دانوں کا فیصلہ

اسلام آباد: پنجاب کابینہ کے لیے وزیرِ اعظم عمران خان نے وزارتوں کے قلم دان سونپنے سے قبل ممکنہ وزرا کے انٹرویوز کیے، وزیرِ اعظم نے مشاورت کے بعد وزرا کے نام اور قلم دانوں کا فیصلہ کر لیا۔

ذرائع کے مطابق وزارتوں کے قلم دان سونپے جانے سے قبل وزیرِ اعظم نے ممکنہ وزرا سے انفرادی انٹرویوز کیے، انٹرویوز میں شارٹ لسٹ ارکان کو قلم دان دیے جانے کا فیصلہ ہوا ہے۔

وزیرِ اعظم عمران خان سے وزیرِ اعلیٰ پنجاب عثمان بزدار اور متوقع کابینہ کے ارکان نے ملاقات کی، وزیرِ اعظم نے مشاورت کے بعد وزرا کے نام اور قلم دانوں کا فیصلہ کرلیا۔

ذرائع کا کہنا ہے کہ علیم خان کو وزارتِ بلدیات ملنے کا امکان ہے جب کہ محمود الرشید کو وزارتِ ہاؤسنگ، فیاض الحسن کو اطلاعات، ڈاکٹر یاسمین راشد کو صحت، مراد راس کو تعلیم اور ہاشم بخت کو وزارتِ خزانہ کا قلم دان ملنے کا امکان ہے۔

ذرائع نے کہا ہے کہ یاسر ہمایوں ہائر ایجوکیشن کے وزیر ہوں گے، راجا بشارت پارلیمانی امور قانون کے وزیر، حافظ عمار جنگلات اور سبطین خان زراعت و معدنیات کے وزیر ہوں گے۔


وزیرِ اعظم کی زیرِ صدارت کابینہ کا اجلاس ہفتے میں دو بار ہوگا


ذرائع نے مزید کہا کہ عنصر مجید کو ہیومن ریسورس کا قلم دان دیا جائے گا۔ دوسری طرف ذرائع نے یہ بھی کہا ہے کہ صوبائی کابینہ 2 مراحل میں حلف اٹھائے گی۔

Comments

comments

یہ بھی پڑھیں