The news is by your side.

Advertisement

اقرا عزیز اور یاسر کے بیٹے کی پہلی جھلک

کراچی: پاکستان شوبز انڈسٹری کے نامور جوڑے یاسر حسین اور اقرا عزیز نے اپنے بیٹے کبیر حسین کی پہلی تصویر شیئر کردی۔

اداکار یاسر حسین نے چار روز قبل اپنے گھر بیٹے کی ولادت کی خبر سماجی رابطے کی ویب سائٹ انسٹاگرام پر شیئر کی، جس میں نومولود کے ہاتھ نظر آرہے تھے۔

انہوں نے یہ بھی بتایا تھا کہ بیٹے کا نام کبیر حسین رکھا ہے۔

 

View this post on Instagram

 

A post shared by Yasir Hussain (@yasir.hussain131)

اب اقرا عزیز اور یاسر حسین نے باری باری اپنے بیٹے کی تصاویر سماجی رابطے کی ویب سائٹ انسٹاگرام پر شیئر کیں، جس میں نومولود کا چہرہ تو واضح نہیں ہے مگر وہ ایک میں اپنے والد اور دوسری میں والدہ کی گود میں ہے۔

اقرار عزیز نے جو تصویر انسٹاگرام پر شیئر کی اُس میں وہ اپنے بیٹھے کو گود میں لیے بیٹھی ہیں۔ اس تصویر میں ایسا محسوس ہورہا ہے کہ اداکارہ اسپتال میں ہیں کیونکہ اُن کے ہاتھ میں کینولا لگا ہوا ہے جبکہ انہوں نے ایک ہاتھ سے کبیر کا چہرہ چھپایا ہوا ہے۔

انہوں نے اللہ کا شکر ادا کرتے ہوئے لکھا کہ ’میں اس احساس (ماں بننے) کو بیان نہیں کرسکتی۔

قبل ازیں یاسر حسین نے سماجی رابطے کی ویب سائٹ انسٹاگرام پر بیٹے کی بلیک اینڈ وائٹ تصویر شیئر کی جس میں وہ کبیر کو گود میں اٹھائے ہوئے تھے۔

یاسر حسین نے اس تصویر کو شیئر کرتے ہوئے لکھا کہ انہیں اب عورت کا مقام اچھی طرح سے سمجھ آیا ہے۔

 

View this post on Instagram

 

A post shared by Yasir Hussain (@yasir.hussain131)

اس پوسٹ پر کمنٹ کرتے ہوئے اقراء عزیز نے شوہر کو اپنی دنیا اور بیٹے کو کُل کائنات قرار دیا۔

Comments

یہ بھی پڑھیں