اسرائیل کی جانب سے ایران پر جلد حملے کی دھمکی کے بعد امریکا نے مشرق وسطیٰ سے سفارتی عملہ نکالنے کا فیصلہ کر لیا۔
بین الاقوامی میڈیا رپورٹس کے مطابق بغداد میں امریکی سفارتخانے سے غیرضروری عملے کی روانگی کا حکم دیدیا گیا ہے جب کہ بحرین، کویت اور یواےای میں امریکی اہلکاروں کے اہل خانہ کو روانگی کی اجازت مل گئی ہے۔
یہ فیصلہ اسرائیل کی ایران پر ممکنہ حملےکی تیاریوں کے تناظر میں کیا گیا ہے۔
امریکی صدر ڈونلڈٹرمپ کا کہنا ہے کہ سفارت کاروں کو نکلنے کا نوٹس دے دیا ہے کیونکہ صورتحال کشیدہ ہو سکتی ہے۔
امریکی میڈیا کا کہنا ہے کہ اسرائیل ایران پر حملے کےلیے مکمل تیار ہے اور ایران جوابی کارروائی میں امریکی اہداف کو نشانہ بنا سکتا ہے۔
امریکی میڈیا کا کہنا تھا کہ اسرائیل نے ایران پر حملے کی پیشگی اطلاع امریکا کو دے دی ہے۔
امریکی اور یورپی کے حکام نے خبردار کیا ہے کہ اسرائیل ایران پر حملہ کرنے کے لیے تیار ی کر رہاہے، حملہ کس نوعیت کا ہوگا اس کا علم نہیں۔
اسرائیل کے ایران پر حملے کے پیش نظر امریکا نے مشرقی وسطیٰ میں اپنے سفارت خانوں اور ہوائی اڈوں پر الرٹ جاری کردیا۔
عراق میں امریکی سفارت خانے کو خالی کیا جا رہا ہے جبکہ کویت اور بحرین سے بھی امریکی سفارتی اہلکاروں کے اہل خانہ کی منتقل کردیا گیا ہے۔
