تہران: اسرائیل پر حملے کے بعد ایران کے آرمی چیف میجر جنرل محمد حسین بغیری نے سوئس سفارتخانے کے ذریعے امریکا کو پیغام بھجوادیا۔
ایران کی خبر رساں ایجنسی کے مطابق چیف آف آرمی اسٹاف میجر جنرل محمد باقری نے کہا کہ صیہونی ریاست کا شام میں ایران کے قونصل خانے کو نشانہ بنانے اور ایرانی قانونی مشیروں کو شہید کرنا ہماری ریڈ لائن تھی۔
ایرانی آرمی چیف نے کہا کہ امریکا کو پیغام بھیجا ہے، اسرائیل کیخلاف فوجی آپریشن ختم ہو گیا ہے اب ایران کا مزید حملے جاری رکھنے کا کوئی ارادہ نہیں لیکن اگر ؤ اسرائیل نے دوبارہ کوئی کارروائی کی تو بھرپور جواب دیں گے۔
ایران کا درجنوں ڈرونز اور کروز میزائلز سے اسرائیل پر حملہ
چیف آف اسٹاف ایرانی مسلح افواج میجر جنرل محمد حسین بغیری نے امریکا کو دو ٹوک پیغام میں کہا کہ اگر امریکا نے اسرائیل کا ساتھ دیا تو نمٹا جائے گا۔
خیال رہے کہ ایران نے اسرائیل کی جانب سے دمشق میں یکم اپریل کو ایرانی قونصل خانے پر کیے گئے حملے کے جواب میں اسرائیل پر ڈرون اور بیلسٹک میزائلوں سے حملہ کیا۔
ایرانی میڈیا کے مطابق ایران کے متعدد میزائلوں نے اہداف کو نشانہ بنایا جبکہ اسرائیل اور امریکا کا کہنا ہے کہ ایران کی جانب سے فائر کیے گئے زیادہ تر میزائلوں کو مار گرایا گیا۔
