تہران: ایران نے گزشتہ روز ایک یہودی شہری کو 2022 کے قتل کیس میں سزائے موت دے دی۔
عرب خبر رساں ادارے کی رپورٹ کے مطابق ایرانی عدلیہ سے جڑی ویب سائٹ میزان آن لائن ڈاٹ آئی آر کے بموجب 23 سالہ یہودی شخص کو عدالت عظمیٰ کی طرف سے توثیق کے بعد سزائے موت دی گئی۔
مغربی شہر کرمان شاہ کے سرکاری وکیل حامد رضا کریمی کے حوالہ سے کہا گیا کہ عدالت‘ یہودی شہری کے وکلاء اور رشتہ دار‘ مقتول کے خاندان کو قصاص کے معاملہ میں قائل نہیں کرسکے۔ مقتول کا نام ظاہر نہیں کیا گیا۔
رپورٹس میں کہا گیا ہے کہ 2022 میں یہودی شہری نے کرمان شاہ میں ایک جم کے باہر ایک شخص ک چھری کے وار سے قتل کردیا تھا۔
واضح رہے کہ 1999 میں ایران نے 13 یہودی شہریوں کو اسرائیل کے لئے جاسوسی کرنے کے الزام میں حراست میں لیا تھا۔ 1979 کے اسلامی انقلاب کے بعد کئی یہودی ایران سے فرار ہونے میں کامیاب ہوگئے تھے۔
اس سے قبل عراق میں دہشت گردی کے جرم میں گرفتار کئے گئے 10 عسکریت پسندوں کو سزائے موت دے دی گئی۔
’جنگ بندی ہی اسرائیلی حملوں کے جواب میں ایران کا ردعمل بدل سکتی ہے‘
عراقی سیکیورٹی ذرائع کا اس حوالے سے کہنا ہے کہ 10 عسکریت پسندوں کو ناصریہ شہر کی جیل میں سزائے موت دی گئی، داعش سے تعلق رکھنے والے عسکریت پسند سنگین دہشت گرد حملوں میں ملوث تھے۔
