ایرانی صدر مسعود پیزشکیان نے اسرائیلی حملے کی مذمت اور ایرانی موقف کی تائید پر پاکستان کا شکریہ ادا کیا ہے۔
ایرانی صدر نے پارلیمنٹ سے خطاب میں پاکستان کی پارلیمنٹ کے مؤقف پر اظہارتشکر کرتے ہوئے کہا کہ پاکستانی عوام اور پارلیمنٹ ایران کے ساتھ کھڑے ہیں۔
صدر نے کہا کہ پاکستانی پارلیمنٹ نے ایران کیخلاف اسرائیلی اقدام کو گھناؤنا قرار دیا اور کہا کہ جہاں ضرورت پڑی ایران کا بھرپور ساتھ دیں گے۔
ایرانی صدر کے خطاب کے بعد ایرانی پارلیمنٹ میں ’’شکریہ پاکستان‘‘ کے نعرے گونج اٹھے۔ پاکستان تشکر! ایران کی مجلس شوریٰ میں پاکستان کےحق میں زبردست نعرے بازی کی گئی۔
پاکستان کے دوٹوک اور واضح مؤقف اور حمایت پر ایرانی قیادت نے اظہارتشکر کیا اور پاکستان کی حمایت پر زبردست خراج تحسین پیش کیا گیا۔
