اسلام آباد : ایرانی وزیر خارجہ جواد ظریف پاکستان پہنچ گئے، دورہ پاکستان کے دوران جواد ظریف، شاہ محمود قریشی سے باضابطہ طور پر مذاکرات کریں گے۔
تفصیلات کے مطابق پاکستان کے دوست ملک ایران کے وزیر خارجہ جواد ظریف پاکستان پہنچ گئے ہیں جن کا ایئرپورٹ پر پاکستانی دفتر خارجہ کے اعلیٰ حکام کی جانب سے شاندار استقبال کیا گیا ہے۔
پاکستانی دفتر خارجہ کا کہنا ہے کہ ایرانی اور پاکستانی وزرائے خارجہ کے درمیان ون آن ون ملاقات ہوگی، جبکہ جواد ظریف پاکستانی ہم منصب سے باضابطہ طور پر مذاکرات بھی کریں گے۔
دفتر خارجہ کے اعلیٰ حکام کا کہنا ہے کہ ایرانی وزیر خارجہ جواد ظریف دورہ پاکستان کے دوران ملک کے نو منتخب وزیر اعظم عمران خان سے بھی ملاقات کریں گے، جبکہ جواد ظریف کی پاکستان کے عسکری رہنماؤں سے ملاقات کی توقع کی جارہی ہے۔
دفتر خارجہ نے کہا ہے کہ ملک میں عام انتخابات کے بعد وجود میں آنے والی نئی حکومت کے بعد کسی ملک کے وزیر خارجہ کا پہلا دورہ پاکستان ہے۔
