لڑکی کے آٹھ بھائیوں نے اپنی بہن کے منگیتر کو گولیوں سے بھون ڈالا، واردات کے بعد ملزمان فرار ہونے میں کامیاب ہوگئے۔
یہ دلخراش واقعہ عراق کے دارالحکومت بغداد میں پیش آیا، میڈیا رپورٹس کے مطابق بغداد کے علاقے الحبیبیہ میں دونوں فریقین کے درمیان خاندانی معاملے پر جھگڑا ہوا تھا۔
اس دوران کسی بات پر طیش میں آکر لڑکی کے 8 بھائیوں نے اپنی بہن کے منگیتر پر فائرنگ کردی اس دوران گولی اس کے سر میں لگی جو جان لیوا ثابت ہوئی۔
واقعے کے بعد ملزمان جائے وقوعہ سے فرار ہوگئے، پولیس نے مقتول کی لاش کو تحویل میں لے کر پوسٹ مارٹم کیلئے اسپتال منتقل کیا، مقدمے کے اندراج کے بعد ملزمان کی گرفتاری کے لیے چھاپے مارے جارہے ہیں۔
