اسلام آباد : سابق اٹارنی جنرل عرفان قادر کا کہنا ہے کہ اسلام آباد ہائی کورٹ کا حکم عبوری ہے، چیئرمین پی ٹی آئی کی سزا ختم نہیں ہوئی اور نااہلی بھی برقرار ہے۔
تفصیلات کے مطابق سابق اٹارنی جنرل عرفان قادر نے چیئرمین پی ٹی آئی کی سزا معطلی کے فیصلے پر ردعمل دیتے ہوئے کہا کہ یہ عبوری حکم ہے، سزا ختم نہیں ہوئی، نااہلی بھی برقرارہے۔
سابق اٹارنی جنرل کا کہنا تھا کہ اعلیٰ عدلیہ کے ریمارکس کا ماتحت عدلیہ پر بھی اثر آتا ہے لیکن میں نہیں سمجھتاکہ اسلام آبادہائیکورٹ پر ریمارکس کا کوئی اثر ہوا ہے۔
عرفان قادر نے کہا کہ سائفر کیس میں گرفتاری کے بعد کہاں رکھنا ہے یہ انتظامی معاملہ ہے، میرے خیال میں اٹک جیل میں ہی رہیں گے ،سائفرکیس سنجیدہ معاملہ ہے ، تفتیش جاری ہے اتنی جلدی منطقی انجام تک نہیں پہنچ سکتا.
ان کا مزید کہنا تھا کہ چیئرمین پی ٹی آئی کیخلاف الگ الگ مقدمات ہے، مشکلات بڑھ سکتی ہیں ، میرے خیال میں الیکشن کمیشن کے کمپلینٹ فائل کرنے کا معاملہ مرکزی اپیل میں دیکھا جائے گا۔
میراخیال ہے چیئرمین پی ٹی آئی ابھی کچھ عرصہ گرفتار رہیں گے۔
