اسلام آباد : وفاقی وزیر خزانہ اسحاق ڈار نے کہا ہے کہ میرے بیٹے نے عمران خان کےخلاف پانچ ارب روپے ہرجانے کا نوٹس بھیج دیا ہے۔
عمران خان کواس کا جواب دینا ہوگا۔ تفصیلات کے مطابق وفاقی وزیر خزانہ اسحاق ڈارنیب سے کلین چٹ ملنے پر بےحد خوش ہیں۔
مردم شماری کانفرنس کے بعد میڈیا سے گفتگو کرتے ہوئے اپنی صٖفائی کے ساتھ ساتھ عمران خان کو پانچ ارب روپے ہرجانے کا نوٹس بھجوانے کی خبربھی دے دی۔
اسحاق ڈار کا کہنا تھا کہ ان کے خلاف نیب میں کیس نامعلوم افراد نےدرج کروایا تھا۔ اس لیے کیس کی کوئی حیثیت نہیں تھی۔
وفاقی وزیر خزانہ کا کہنا تھا کہ عمران خان کو حق ہے کہ وہ ان کےمقدمہ خارج ہونے کےخلاف احتجاج کریں لیکن عدالتوں میں فیصلے دلائل اورثبوت کی بنیاد پر ہوتے ہیں۔
انہوں نے کہ مردم شماری آخری بار انیس سو اٹھانوے میں مسلم لیگ ن کےدور میں ہوئی تھی۔ اس بار بھی مردم شماری ن لیگ حکومت ہی کرائےگی۔