وزیر خزانہ کا چینی کی قیمتوں میں اضافے کا نوٹس، تحقیقات کا حکم -
The news is by your side.

Advertisement

وزیر خزانہ کا چینی کی قیمتوں میں اضافے کا نوٹس، تحقیقات کا حکم

اسلام آباد : وزیر خزانہ اسحاق ڈار نے چینی کی قیمتوں میں ہونے والے حالیہ اضافے کا نوٹس لیتے ہوئے فوری طور پر تحقیقات کا حکم دے دیا ہے۔

تفصیلات کے مطابق وزیر خزانہ اسحاق ڈار نے ملک میں چینی کی قمیتوں میں اضافے کا نوٹس لے لیا، وزیر خزانہ اسحاق ڈار کا کہنا ہے کہ چینی کی سپلائی اور قیمتوں میں استحکام ضروری ہے، وفاقی سیکریٹری صوبائی حکومتوں سے بھی رابطہ کریں ۔

شوگر ملزمالکان کا کہنا ہے کہ چینی کی قیمت پیداواری لاگت سے کم ہے، چینی کی قیمتوں میں اضافہ کیا جائے، مطالبات کی منظوری کیلئے ملز ملکان نے چینی کی سپلائی بند کردی تھی جبکہ حکومت اور شوگر ملز میں معاملات طے نہ ہوسکے۔

شوگر ملز مالکان کا کہنا ہے کہ حکومت کویہ بھی پوچھنا چاہیئے کہ چینی کی پیداواری لاگت کیا ہے۔


مزید پڑھیں : چینی کی قیمتیں آسمان تک جا پہنچیں


یاد رہے کہ شوگر ملز ملکان کی ہڑتال کے باعث چینی کی قیمتیں آسمان تک جا پہنچیں، مارکیٹ میں سپلائی نہ ہونے کے باعث طلب اور رسدکا توازن بگڑ گیا ہے اور 0دن میں 12روپے فی کلو کا اضافہ ہوا، جس کے بعد چینی کی قیمت 65روپے فی کلو سے تجاوز کرگئی۔

کراچی ہول سیلز گروسسرز ایسوسی ایشن کے چیئرمین انیس مجید کا کہنا ہے کراچی کی مارکیٹ میں چینی کی قلت ہے جو دستیاب ہے تو اس کی قیمت زیادہ ہے، سینتالیس روپے کلو بکنے والی چینی چوون روپے فی کلو کے حساب سے فروخت ہورہی ہے، حکومت معاملے کے حل کے لیے شوگرملرز سے فوری مزاکرات کرے۔

صارفین نے چینی کی تیزی سے بڑھتی ہوئی قیمتوں پر گہری تشویش کا اظہار کیا ہے، شہریوں کا کہنا ہے کہ متعلقہ ادارے خاموش تماشائی کا کردار ادا کرنے کی بجائے چینی کی قیمت کو کنٹرول کریں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں