وفاقی وزیر خزانہ اسحاق ڈار نے کہا ہے کہ حکومت سودی نظام کے خاتمے کیلئے پرُعزم ہے۔
تفصیلات کے مطابق وفاقی شرعی عدالت کے ربا سے متعلق فیصلے پر عملدرآمد کے حوالے سے اسٹیئرنگ کمیٹی کا اجلاس ہوا جس کی صدارت وزیرخزانہ اسحاق ڈار نےکی جب کہ وزیرمملکت خزانہ، طارق باجوہ، گورنراسٹیٹ بینک، سیکریٹری خزانہ و دیگر بھی شریک ہوئے۔
اجلاس میں وزیرخزانہ نے گورنراسٹیٹ کی سود سے پاک نظام کے نفاذ کیلئےکوششوں کو سراہتے ہوئے کہا کہ گورنر اسٹیٹ بینک کی معاونت سود سے پاک نظام کے نفاذ میں مددگار ثابت ہوگی۔
وزیرخزانہ اسحاق ڈار نے متعلقہ ذمہ داران کو سودی نطام کےخاتمےمیں حائل رکاوٹوں کو دور کرنےکی ہدایت کرتے ہوئے کمیٹیوں میں اسلامی قوانین کے پیشہ ور ماہرین کو شامل کرنے پر زور دیا۔
اجلاس میں اسلامی سوک بانڈز کے اجرا کیلئے علما اور اسلامی دانشوروں کی رہنمائی طلب کی گئی۔
Comments
- Advertisement -