17.1 C
Ashburn
ہفتہ, مئی 25, 2024
اشتہار

اسلام آباد ایئرپورٹ انتظامیہ نے ٹریفک اہلکاروں کے خلاف راولپنڈی پولیس کو خط لکھ دیا

اشتہار

حیرت انگیز

کراچی: اسلام آباد ایئرپورٹ انتظامیہ نے ٹریفک اہلکاروں کے خلاف راولپنڈی پولیس کو خط لکھ دیا ہے۔

تفصیلات کے مطابق اسلام آباد انٹرنیشنل ایئرپورٹ پر ٹریفک پولیس کی جانب سے مسافروں کو ہراساں کرنے کے معاملے پر سول ایوی ایشن اتھارٹی نے ایکشن لے لیا ہے۔

اسلام آباد ایئرپورٹ کی انتظامیہ نے روالپنڈی ٹریفک پولیس کو خط لکھ کر کہا ہے کہ انٹری اور ایگزٹ پر ٹریفک اہلکار مسافروں کو ہراساں کر رہے ہیں۔ ایئرپورٹ انتظامیہ نے انٹری و ایگزٹ گیٹ کے قریب راولپنڈی سٹی ٹریفک پولیس کی تعیناتی پر تحفظات کا اظہار کیا۔

- Advertisement -

اسلام آباد ایئرپورٹ کے چیف آپریٹنگ آفیسر آفتاب احمد گیلانی نے راولپنڈی ٹریفک پولیس کے نام خط لکھ کر کہا ایئرپورٹ پر ملکی اور غیر ملکی مسافروں کی آمد و روانگی رہتی ہے، لیکن ٹریفک پولیس انھیں ہراساں کرتی ہے، ٹریفک پولیس اہلکار انٹری اور ایگزٹ گیٹ پر گاڑیوں کو روکتے ہیں اور مسافروں کو تنگ کیا جاتا ہے۔

خط میں کہا گیا ہے کہ راولپنڈی ٹریفک پولیس کے اہلکاروں کو ایئرپورٹ پر مسافروں کے ساتھ الجھتے بھی دیکھا گیا ہے، انٹری اور ایگزٹ گیٹ پر گاڑیاں روک لینے سے رش لگ جاتا ہے اور مسافروں کو مشکلات پیش آتی ہیں، متعدد مسافروں سے ایئرپورٹ سے نکلتے ہی روک کر تنگ کرنے کی شکایات موصول ہوئی ہیں۔

خط میں مطالبہ کیا گیا ہے کہ ٹریفک پولیس اہلکاروں کو ایئرپورٹ کے انٹری اور ایگزٹ گیٹ سے دور تعینات کیا جائے تاکہ مسافروں کو کسی قسم کی پریشانی نہ ہو۔

Comments

اہم ترین

محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں

مزید خبریں