اسلام آباد : اویس گلشن کو اسلام آباد ہیلتھ کیئر ریگولیٹری اتھارٹی کا عارضی سربراہ مقرر کردیا گیا، وہ تاحکم ثانی سی ای او ہوں گے۔
تفصیلات کے مطابق وزارت قومی صحت میں مستقل کے بجائے عارضی تعیناتیاں جاری ہیں، زرائع نے بتایا کہ اسلام آباد ہیلتھ کیئر ریگولیٹری اتھارٹی کا عارضی سربراہ مقرر کردیا گیا۔
ذرائع نے بتایا کہ اویس گلشن کو اسلام آباد ہیلتھ اتھارٹی کا عارضی چارج دےدیا گیا ہے ، اویس گلشن ڈپٹی ڈائریکٹر رجسٹریشن آئی ایچ آر اے ہیں، وہ تاحکم ثانی سی ای او ہوں گے۔
ذرائع وزارت صحت کا کہنا تھا کہ امیدوار ان کی دستیابی کے باوجود عارضی تعیناتی کی گئی ، وزارت صحت مبینہ طور شارٹ لسٹ امیدوار تعینات نہیں کرنا چاہتی، وزارت صحت آئی ایچ آر اے میں من پسند تعیناتی چاہتی ہے۔
انھوں نے بتایا کہ مستقل سربراہ آئی ایچ آر اے کیلئے امیدواران کے انٹرویوز مکمل کرلئے ہیں ، سی ای او آئی ایچ آر اے کیلئے انٹرویوز گذشتہ ماہ ہوئے، سربراہ آئی ایچ آر اے کیلئے 2 درجن امیدواران کے انٹرویو ہوئے۔
ذرائع کے مطابق ڈاکٹر خالد مسعود سی ای او آئی ایچ آر اے کیلئے فیورٹ امیدوار ہے تاہم وزارت صحت ڈاکٹر خالد مسعود کو سربراہ ہیلتھ اتھارٹی نہیں لگانا چاہتی ۔
وزارت صحت نے کہا کہ ڈاکٹر خالد مسعود خیبرپختونخوا محکمہ صحت کے گریڈ 19 کے ملازم ہیں جبکہ سی ای او آئی ایچ آر اے ڈاکٹر قائد سعید گزشتہ ماہ ریٹائرڈ ہوئے ہیں۔
