The news is by your side.

Advertisement

اسلام آباد ہائیکورٹ بار کا عمران خان کو خط، خطاب کی دعوت

اسلام آباد ہائیکورٹ بار ایسوسی ایشن کے صدر نے پاکستان تحریک انصاف کے چیرمین وسابق وزیراعظم عمران خان کو بار سے خطاب کرنے کیلیے خط لکھ دیا۔

اے آر وائی نیوز کے مطابق اسلام آباد ہائی کورٹ بار ایسوسی ایشن کے صدر شعیب شاہین ایڈووکیٹ نے پی ٹی آئی چیئرمین اور سابق وزیراعظم عمران خان کو خط لکھا ہے جس میں انہیں بار سے خطاب کی دعوت دی گئی ہے۔

ذرائع نے بتایا کہ اسلام آباد ہائیکورٹ بار کے ایگزیکٹو کمیٹی کے اجلاس میں سابق وزیراعظم کو بار سے خطاب کی دعوت دینے کا فیصلہ کیا گیا ہے جس کے بعد صدر ہائیکورٹ بار شعیب شاہین ایڈووکیٹ نے عمران خان کو دعوت نامہ ارسال کیا ہے۔

صدر ہائیکورٹ بار شعیب شاہین ایڈووکیٹ نے کہا ہے کہ عمران خان پاکستان کی سیاسی افراتفری، معاشی، سیکیورٹی صورتحال اور دیگر معاملات پر بار سے خطاب کریں۔

خط میں عمران خان سے کہا گیا ہے کہ وہ ہائیکورٹ بار سے خطاب کے لیے وقت اور تاریخ بتادیں تاکہ انتظامات کیے جاسکیں۔

شعیب شاہین کے مطابق اسلام آباد ہائیکورٹ بار نے قانون کی بالادستی کیلیے ہر وقت ہر اول دستے کا کردار ادا کیا اور کسی قسم کی قربانی سے دریغ نہیں کیا۔

Comments

یہ بھی پڑھیں