The news is by your side.

Advertisement

اسلام آباد واحد شہر ہے جہاں سیفٹی کا احساس ہوتا ہے، شہزاد اکبر

اسلام آباد : وزیراعظم کے معاون خصوصی برائے احتساب بیرسٹرشہزاد اکبر نے کہا ہے کہ اسلام آباد واحد شہر ہے جہاں سیفٹی کا احساس ہوتا ہے۔

تفصیلات کے مطابق وفاقی دارالحکومت میں میڈیا سے گفتگو کرتے ہوئے شہزاد اکبر نے کہا کہ پولیس آئی جی اسلام آباد کی زیر نگرانی فرائض سرانجام دے رہی ہے، اسلام آباد واحد شہر ہے جہاں سیفٹی کا احساس ہوتا ہے۔

وزیراعظم کے معاون خصوصی برائے احتساب نے کہا کہ ہم نے دہشت گردی کے بڑھتے کینسر کا بھی سامنا کیا، اسلام آباد پولیس کے جوانوں نے بھی دہشت گردی کے خلاف قربانیاں دیں۔

بیرسٹرشہزاد اکبر نے کہا کہ پیشہ ورانہ فرائض انجام دینے پر اسلام آباد پولیس کو سلام پیش کرتا ہوں، رائل دورے کے دوران بھی اسلام آباد پولیس کا اہم کردار تھا۔ انہوں نے مزید کہا کہ موٹروے پولیس کا کردار بھی مثالی ہے، حکومت قانون نافذ کرنے والے اداروں کی بہتری کے لیے کوشش کرے گی۔

واضح رہے کہ گزشتہ دنوں اسلام آباد پولیس کے اہلکاروں کی وردی پر ویڈیو کمرے لگانے کا فیصلہ کیا گیا، اگلے مرحلے میں جدید کیمرے تھانوں میں موجود عملے کی یونیفارم کا بھی حصہ ہوں گے۔

اسلام آباد پولیس کے مطابق 2 ہفتوں تک 20 کیمرے حاصل کر لیےجائیں گے اور ایک کیمرے کی قیمت تقریباََ 100 ڈالر ہوگی۔

Comments

یہ بھی پڑھیں