اسلام آباد کی نجی ہاؤسنگ سوسائٹی میں چیتے کے حملے میں ایک شخص زخمی ہوگیا۔
اے آر وائی نیوز کے مطابق اسلام آباد کی نجی ہاؤسنگ سوسائٹی میں چیتا ایک شخص کو زخمی کرکے ایک گھر میں گھس گیا پولیس اور انتظامیہ چیتے کو نکالنے کی کوشش میں مصروف ہے۔
انتظامیہ کا کہنا ہے کہ قریب موجود پارک اور عوامی مقامات کو بند کردیا گیا ہے۔
- Advertisement -
اسسٹنٹ کمشنر کا کہنا ہے کہ تمام لوگ اپنے گھروں کے اندر ہی رہیں۔
محکمہ وائلڈ لائف حکام بھی موقع پر پہنچ گئے ہیں ان کا کہنا ہے کہ تیندوا مختلف گھروں سے چھلانگیں لگا کر ایک گھنٹے سے زیر تعمیر گھر میں چھپا ہوا ہے جسے نکالنے کی کوششیں جاری ہیں۔
یاد رہے کہ گزشتہ سال نومبر میں بھی اسلام آباد میں چیتے گھس آئے تھے جس کی وجہ سے لوگوں میں خوف و ہراس پھیل گیا تھا۔
