اسلام آباد : اسلام آباد پولیس نے جرائم پیشہ عناصر کے گرد شکنجہ کسنے اور محکمہ پولیس میں شامل کالی بھیڑوں کی نشاندہی کےلیے موبائل فون ایپ متعارف کروادی۔
تفصیلات کے مطابق شہراقتدار میں جرائم کی شرح میں تیزی سے اضافہ ہونے لگام کرمنلز کو لگام ڈالنے کےلیے اسلام آباد پولیس نے جدید طریقہ کار اپنالیا۔
جرائم پیشہ عناصر کے گرد شکنجہ کسنے اور محکمہ پولیس میں شامل کالی بھیڑوں کی نشاندہی کےلیے موبائل فون ایپ متعارف کروادی گئی۔
آئی سی ٹی ون فائیو ایپ کے ذریعےشہری،، کسی بھی جرائم ،غیرقانونی اقدام،، حادثے اورناخوش گوار واقعےکی فوری اطلاع دے سکیں گے، جس سے اسلام آباد پولیس کو جائے وقوع پر جلد سے جلد پہنچنے اور ایکشن میں لینے میں مدد ملے گی۔
شہر میں ہونے والے جرائم پر نظر ڈالیں تو گزشتہ ماہ گیارہ سو سے زائد وارداتیں رپورٹ ہوئیں ، سب سے زیادہ شرح اکیاسی فیصد اسٹریٹ کرائمز کی رہی۔
اسلام آباد کے شہری مجموعی طور پر دو سو تیرہ ملین مالیت کی نقدی اور قیمتی سامان سے محروم ہے ڈکیتیوں کی دو ، چوری کی دو سو انسٹھ ، چھینا جھپٹی کی ایک سو ستانوے واقعات رپورٹ ہوئے جبکہ ترپن گاڑیاں اور ساڑھے تین سو موٹرسائیکلیں چوری یا چھین لی گئیں۔
