اسلام آباد : اسلام آباد پولیس نے سابق وزیراعظم نواز شریف کو خصوصی سیکیورٹی فراہم کر دی، اے ٹی ایس اہلکاروں کا اسپیشل دستہ بھی نواز شریف کی سیکیورٹی پر تعینات ہیں۔
تفصیلات کے مطابق سابق وزیر اعظم نواز شریف کی اسلام آباد کی عدالتوں میں پیشی پر خصوصی سیکیورٹی فراہم کر دی گئی ، اسلام آباد پولیس نے خصوصی سیکیورٹی فراہم کی۔
خصوصی سیکیورٹی میں 3اسپیشل پولیس وینز بھی شامل کرلی گئیں جبکہ اےٹی ایس اہلکاروں کااسپیشل دستہ بھی نواز شریف کی سیکیورٹی پر تعینات ہیں۔
اسلام آباد پولیس کا خصوصی اسکواڈ نواز شریف کیساتھ ڈیوٹی سر انجام دے گا، نواز شریف کو پہلے ہی سابق وزیراعظم کی سیکیورٹی بھی دی جا چکی ہے۔
دوسری جانب توشہ خانہ ریفرنس،نواز شریف کے وکیل نے احتساب عدالت میں 3درخواستیں دائرکردیں ، توشہ خانہ ریفرنس میں نواز شریف کی ضم شدہ پراپرٹی کو ریلیز کرنے کی درخواست دائر کی گئی، جس میں کہا گیا کہ توشہ خانہ کیس میں پلیڈر مقرر کیا جائے۔
عدالت میں ضمانتی مچلکےجمع کرانے کے لیے بھی درخواست دائر کی گئی ہے، جس میں استدعا کی گئی کہ روٹین کے کیسز سن لیں پھرہمیں وقت دیاجائے۔
احتساب عدالت جج محمد بشیر نے نواز شریف کو پیش ہونے کیلئے ڈیڑھ بجے تک کا وقت دے دیا ہے۔
