The news is by your side.

اسلام آباد پولیس کا عمران خان سے سکیورٹی واپس لینے کی خبروں پر ردعمل

اسلام آباد پولیس نے پاکستان تحریک انصاف کے چیئرمین اور سابق وزیر اعظم عمران خان سے سکیورٹی واپس لینے کی خبروں پر ردعمل دے دیا۔

ترجمان اسلام آباد پولیس نے اپنے آفیشل ٹوئٹر اکاؤنٹ سے بیان جاری کیا ہے کہ وفاقی پولیس نے سابق وزیر اعظم سے سکیورٹی واپس نہیں لی، اس حوالے سے غلط تشہیر کی جا رہی ہے۔

پولیس نے کہا کہ چیئرمین پی ٹی آئی کو مروجہ سکیورٹی دی جا رہی ہے، جن خدشات کا اظہار کیا جا رہا ہے انہیں مدِ نظر رکھتے ہوئے عمران خان کو مقررہ تعداد سے زائد سکیورٹی مہیا کی جا رہی ہے۔

ترجمان نے کہا کہ مزید ضرورت پڑی تو اضافی سکیورٹی بھی فراہم کی جائے گی، دوسرے صوبوں کی پولیس وزارتِ داخلہ کی اجازت اور پولیس قوانین کے مطابق ہی طلب کی جا سکتی ہے۔

پولیس نے مزید کہا کہ عوام سے گزارش ہے کہ غیر مصدقہ اطلاعات پر کان مت دھریں اور پولیس کے ساتھ تعاون کریں۔

Comments

یہ بھی پڑھیں