اسلام آباد یونائیٹڈ کے وکٹ کیپر بیٹر اعظم خان کے منہ چھپانے کی ویڈیو سوشل میڈیا پر وائرل ہوگئی ہے۔
اسلام آباد یونائیٹڈ نے گزشتہ روز کراچی کنگز کو دلچسپ مقابلے کے بعد میچ کی آخری گیند پر شکست دی تو یہ مقابلہ سنسنی خیز لمحات کے حوالے سے شائقین کرکٹ کے لیے ایک یادگار بن گیا۔
اسلام آباد یونائیٹڈ کی اننگز کی ابتدا میں بیٹنگ سست پڑنے کے بعد کرکٹ فینز کے ٹوٹل کے بہت محدود ہونے کا خدشے کو بعد میں بلے بازوں نے اسے غلط ثابت کرتے ہوئے کراچی کنگز کو 192 رنز کا ہدف دے ڈالا۔
Azam Khan's Reaction to Asif Ali taking his 2nd Wicket … 😂😂😂 pic.twitter.com/0kWjXa86Nw
— Taimoor Zaman (@taimoorze) February 14, 2022
ہدف کے تعاقب میں کراچی کنگز نے بیٹنگ شروع کی تو کپتان بابراعظم سمیت ابتدائی بلے بازوں کے جلد آؤٹ ہونے نے امید پیدا کر دی کہ اسلام آباد یونائیٹڈ یہ میچ بآسانی جیت جائے گا البتہ اوپنر شرجیل خان بعد میں قاسم اکرم اور عماد وسیم کی جارحانہ بیٹنگ نے میچ کا پانسہ ایک مرتبہ پھر کنگز کے حق میں پلٹ ڈالا۔
کراچی کنگز کی اننگز نے پندرہواں اوور عبور کیا تو یوں محسوس ہو رہا تھا کہ ٹیم اس مرتبہ جیت سے کم پر تیار نہیں۔
آخری چند اوورز میں کراچی کنگز کے بلے بازوں نے اسکور تیزی سے آگے بڑھایا تو بیسویں اوور میں ٹیم کو جیت کے لیے صرف 8 رنز درکار تھے۔ ٹی ٹوئنٹی کرکٹ میں رنز بننے کی رفتار دیکھ کر بہت سوں کو یقین ہونے لگا کہ کراچی کنگز کو ٹورنامنٹ میں پہلی جیت ملنے والی ہے مگر پھر وقاص مقصود کی بولنگ نے میچ کا اختتام بدل ڈالا۔
میچ کے دوران اسلام آباد یونائیٹڈ کے کپتان شاداب خان انجری کے باعث گراؤنڈ سے باہر گئے تو دیکھنے والوں نے اسے یونائیٹڈ کے لیے ایک منفی معاملے کے طور پر دیکھا۔
ریگولر بولر کی عدم دستیابی کے بعد آصف علی نے ایک اوور کرایا اور دو وکٹیں لے اڑے، بلے بازی کے لیے مشہور کھلاڑی کی جانب سے ایک اوور میں دو وکٹیں لینا بہت سے افراد کے لیے خوش کن رہا تو وکٹوں کے پیچھے موجود یونائیٹڈ کے وکٹ کیپر اعظم خان کے تاثرات بھی شائقین سے چھپے نہ رہ سکے۔
Azam Khan’s reaction says it all😂
pic.twitter.com/KOnQXk8aNy— Ahsaan Elahi (@ahsaan_elahi44) February 14, 2022
سوشل ٹائم لائنز پر گردش کرنے والی ویڈیوز اور تصاویر میں اعظم خان وکٹ کے عقب سے نکل کر سائیڈ پر ہوتے ہیں اور سر پر لگا ہیلمٹ اتار کر حیرت کے مارے اپنا منہ چھپاتے صاف دکھائی دیے۔
اس عمل کو دیکھنے والے بہت سے صارفین نے لکھا کہ ’اعظم خان کو یقین نہیں آ رہا کہ آصف علی نے ایک اوور میں دو وکٹیں لے لی ہیں۔‘
