The news is by your side.

Advertisement

پلے آف مرحلے سے قبل یونائیٹڈ مشکلات کا شکار

لاہور: دو بار پی ایس ایل ٹرافی تھامنے والی اسلام آباد یونائیٹڈ سیزن سیون کے پلے آف مرحلے میں پہنچنے میں تو کامیاب ہوگئی مگر اس کی پریشانیاں ختم نہ ہوئیں۔

ذرائع کے مطابق اسلام آباد یونائیٹڈ کو پی ایس ایل کے پلے آف مرحلے سے قبل مسائل نے گھیر لیا ہے، یونائیٹڈ کا اہم ہتھیار ‘ حسن علی’ فٹنس مسائل سے دوچار ہیں، ڈاکٹرز کی جانب سے ان کی ضروری ٹیسٹ کئے گئے ہیں، جن کی میڈیکل رپورٹ آج موصول ہوگی۔

یہ بھی پڑھیں: پلے آف میں نمبر دو پوزیشن پر کون ہوگا؟ فیصلہ آج

ذرائع کا کہنا ہے کہ فاسٹ باؤلر ذیشان ضمیر پلے آف کے لیے دستیاب نہیں ہونگے تاہم اچھی خبر یہ ہے کہ حال ہی میں اسلام آباد یونائیٹڈ کو جوائن کرنے والے انگلینڈ کے ول جیکس کی آئسولیشن مکمل ہوگئی ہے اور انہوں نے اسکواڈ کو جوائن کرلیا ہے۔

ادھر مسائل میں گھری یونائیٹڈ کے لئے اچھی خبر بھی ہے کہ ان کے قائد شاداب خان نے بھی ہلکی ٹریننگ کا آغاز کردیا ہے، توقع کی جارہی ہے کہ پلے آف مرحلے کے لئے شاداب خان ٹیم کو جوائن کرلینگے۔

یاد رہے کہ شاداب خان گروئن انجری کا شکار ہوئے تھے، جس کے بعد آصف علی کو اسلام آباد یونائیٹڈ کا کپتان بنایا گیا تھا۔

Comments

یہ بھی پڑھیں