اسلام آباد: وفاقی دارالحکومت اسلام آباد میں ڈکیتی کی واردات میں پولیس اہلکاروں کے ملوث ہونے کا انکشاف ہوا ہے۔
تفصیلات کے مطابق اسلام آباد کے علاقے آئی ایٹ میں ڈکیتی کی واردات میں ڈاکو پولیس کا ملازم نکلا، پولیس اہلکار اشرف نوکری کے بعد ڈکیتی کی وارداتیں کرتا تھا۔
اشرف نے ڈکیتی کی واردات کے بعد بھاگنےکوشش کی، پولیس نے پیچھا کر کے فائرنگ کی، ڈاکو مارا گیا، ڈاکو اہلکار انسداد دہشت گردی فورس میں تعینات تھا۔
ذرائع کے مطابق فرار ہونے والے ڈاکوؤں پر بھی اہلکار ہونے کا شبہ ظاہر کیا جا رہا ہے۔
اسلام آباد، پولیس مقابلہ، فائرنگ کی زد میں آکر 2 راہگیر جاں بحق
واضح رہے کہ اسلام آباد پولیس کے مطابق تھانہ آئی نائن کی حدود میں ڈاکوؤں سے مقابلے کے دوران 2 راہگیر جاں بحق ہوگئے تھے، مقابلے کے دوران ایک پولیس اہلکار بھی زخمی ہوا تھا۔
پولیس حکام کے مطابق ڈاکو شہری سے لوٹ مار کررہے تھے پولیس کو دیکھ کر فائرنگ کردی جس کے نتیجے میں 2 راہگیر جاں بحق ہوگئے۔
