site
stats
پاکستان

مرد بھی مظلوم ہیں، حقوق دیے جائیں، اسلامی نظریاتی کونسل میں درخواست

اسلام آباد : اسلامی نظریاتی کونسل میں مردوں کے حقوق کے لیے باقاعدہ درخواست دائر کردی گئی، درخواست میں مؤقف اختیار کیا گیا ہے معاشرے میں مردوں کی حق تلفی ہورہی ہے، صرف تحفظ خواتین بل نہیں تحفظ مرداں بل بھی منظور ہونا چاہیے۔


‘Men protection bill’ demanded in Islamic… by arynews

تفصیلات کے مطابق اسلامی نظریاتی کونسل میں مردوں کے حقوق کا تعین کرنے کا بھی مطالبہ کردیا گیا، مذکورہ درخواست کونسل کے ممبر زاہد محمود قاسمی کی طرف سے دی گئی ہے جس میں کہا گیا ہے کہ عورتیں مردوں پر تشدد کرتی ہیں اور انہیں گھروں سے باہر نکال دیتی ہیں اس ضمن میں مردوں کے حقوق بھی وضع کیے جائیں۔

درخواست میں کہا گیا ہے کہ صرف خواتین ہی نہیں مرد بھی مظلوم ہوتے ہیں، مردوں پر تشدد بھی ہوتا ہے انہیں گھر سے نکال دیا جاتا ہے، معاشرے میں مردوں کے حقوق کو تلف کیا جارہا ہے، خواتین مردوں پر تشدد کرکے بھی معصوم کہلاتی ہیں۔

درخواست میں مطالبہ کیا گیا کہ اسلامی نظریاتی کونسل مردوں کے حقوق پر سفارشات مرتب کرے، درخواست میں مزید کہا گیا کہ صرف تحفظ خواتین بل نہیں تحفظ مرداں بل بھی منظور ہونا چاہیئے۔

کونسل کے ممبر زاہد محمود قاسمی نے درخواست جمع کرائی اور چئیرمین مولانا شیرانی نے اسے منظور کرلیا اس پر اگلے اجلاس میں بات کی جائے گی۔

زاہد محمود قاسمی کا کہنا تھا کہ عوام کے پر زور مطالبے پردرخواست دائر کی گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top