راولپنڈی: آرمی چیف جنرل سید عاصم منیر کا کہنا ہے کہ عوام کی امنگوں کے مطابق بلا تفریق دہشت گردی کا خاتمہ کیا جائے گا۔
پاک فوج کے شعبہ تعلقات عامہ (آئی ایس پی آر) کا بتانا ہے کہ آرمی چیف کی زیر صدارت 254ویں کور کمانڈرز کانفرنس ہوئی جو دو دن تک جی ایچ کیو میں جاری رہی۔
ترجمان پاک فوج کا کہنا ہے کہ کور کمانڈر کانفرنس میں پیشہ ورانہ اور تنظیمی امور پر تفصیلی تبادلہ خیال کیا گیا اور اس عزم کا اعادہ کیا گیا کہ دہشت گردی کے خلاف جنگ بھرپور انداز میں جاری رہے گی۔
کورکمانڈرز کانفرنس میں اس عزم کا بھی اعادہ کیا گیا کہ ’عوام کی امنگوں کے مطابق بلا تفریق دہشت گردی کے خلاف جنگ جاری رہے گی۔
CCC held @ GHQ. General Syed Asim Munir, COAS presided. A comprehensive review of professional & organisational matters of Army was undertaken. It was resolved to fight against terrorists without any distinction & eliminate this menace as per aspirations of people of Pakistan. pic.twitter.com/h7wLXx97bf
— DG ISPR (@OfficialDGISPR) December 28, 2022
