اسرائیل نے غزہ میں زمینی حملے میں تاخیر کی امریکی درخواست قبول کر لی۔
امریکی اخبار وال اسٹریٹ جرنل نے رپورٹ میں کہا ہے کہ اسرائیل نےغزہ پرحملےکوفی الحال مؤخر کرنے پر رضامندی ظاہر کر دی۔
اسرائیل نے امریکا کے سامنے خطے میں میزائل ڈیفنس سسٹم لگانےکی شرط رکھی ہے۔
اخبار کے مطابق پینٹاگون خطے میں 11 فضائی دفاعی نظام لگانے کیلئے کام کر رہا ہے۔ اس سلسلے میں امریکا سعودی عرب، عراق، شامل اور یواےای میں امریکی فوج تعینات کرے گا۔
اتوار کو امریکی وزیر خارجہ انٹونی بلنکن نے خبردار کیا تھا کہ اگر اسرائیل غزہ جنگ کے دوران امریکی فوجیوں کو نشانہ بنایا گیا تو واشنگٹن جوابی کارروائی کرے گا۔
انہوں نے مزید کہا کہ امریکی صدر جوبائیڈن کی انتظامیہ جواب دینے کے لیے پوری طرح تیار ہے اگر امریکی اہلکار ایسی کسی بھی مسلح کاروائی کا نشانہ بنے۔ .
انٹونی بلنکن نے کہا کہ ہم اس بات کو یقینی بنانے کے لیے اقدامات کر رہے ہیں کہ ہم اپنے لوگوں کا مؤثر طریقے سے دفاع کرسکیں اور اگر ضرورت پڑی تو فیصلہ کن جواب دے سکیں، ان کا مزید کہنا تھا کہ مشرق وسطیٰ میں دو طیارہ بردار جنگی جہازوں سمیت اضافی فوجی تعینات کیے گئے ہیں۔
