غزہ: اسرائیلی فضائیہ کی دوسرے روز بھی غزہ پر بمباری جاری رہی، آج صبح فلسطینی کمانڈر سمیت دو دنوں میں مجموعی طور پر 24 فلسطینی شہید ہو گئے۔
الجزیرہ کے مطابق فلسطینی علاقے غزہ پر اسرائیلی فوج کی وحشیانہ فضائیہ بمباری دوسرے روز بھی جاری رہی، جنوبی غزہ کے علاقے خان یونس میں علی الصبح بمباری سے اسلامی جہاد کے رہنما علی حسن غالی شہید ہو گئے۔
وحشیانہ اسرائیلی کارروائیوں میں اب تک 24 فلسطینی شہید ہو چکے ہیں، جن میں 5 خواتین اور 5 بچے بھی شامل ہیں، شہدا میں فلسطینی اسلامی جہاد تحریک کے متعدد رہنما بھی شامل ہیں، جب کہ حملوں میں زخمیوں کی تعداد 64 ہو چکی ہے۔
اسرائیلی فورسز نے ایک بیان میں کہا کہ انھوں نے جمعرات کی صبح غزہ کے جنوبی خان یونس میں ایک عمارت پر فضائی حملے میں راکٹ یونٹ کے ایک کمانڈر کو نشانہ بنایا۔ فلسطینی اسلامی جہاد کے مطابق شہید رہنما علی غالی راکٹ لانچ یونٹ کے کمانڈر تھے۔
