مغربی کنارہ: فلسطینی مزاحمتی گروپ کے رہنما کو موٹر سائیکل میں بم نصب کر کے شہید کر دیا گیا۔
تفصیلات کے مطابق اسرائیل کی ریاستی دہشت گردی نے تمام حدیں پار کر لیں، بم دھماکوں کے ذریعے بھی اب فلسطینیوں کو شہید کیا جانے لگا ہے۔
مقبوضہ مغربی کنارے میں اتوار کے روز فلسطینی مزاحمتی گروپ ’شیروں کی کچھار‘ کے رہنما تامر کیلانی کو موٹر سائیکل بم دھماکے میں شہید کر دیا گیا، بم موٹر سائیکل میں نصب کیا گیا تھا، اور فلسطینی رہنما تامر کیلانی موقع پر ہی شہید ہو گئے۔
مزاحمتی گروپ نے کیلانی کو اپنے جری مجاہدین میں سے ایک قرار دیا، اور ان کی شہادت کا ذمہ دار اسرائیل کو ٹھہرایا، تاہم اسرائیل کی جانب سے ابھی کوئی بیان نہیں آیا۔
اغتاله الاحتلال فجر اليوم.. #تامر_كيلاني (أبو يامن)، أسير محرر وأحد قادة مجموعة #عرين_الأسود وكان من المخططين والمشاركين في تنفيذ عمليات استهدفت قوات الاحتلال pic.twitter.com/blUHGpXmvZ
— رضوان الأخرس (@rdooan) October 23, 2022
فلسطینی وزارت صحت کا کہنا ہے کہ تامر کیلانی کو اتوار کی رات مقبوضہ مغربی کنارے کے شمال میں واقع پرانے شہر نابلس میں شہید کیا گیا۔
شیروں کی کچھار نامی یہ گروپ فلسطینی نوجوانوں پر مشتمل ہے، جو فلسطینی لیڈرشپ کے اسرائیل کے ساتھ تعلقات پر مایوس ہو کر گزشتہ برس بنایا گیا تھا۔
