روس کے وزیرخارجہ سرگئی لاروف نے کہا ہے کہ شام میں سرحد پار سے حملوں کے ردعمل میں اسرائیل پر حملے ہوسکتے ہیں۔
اسرائیل کی جانب سے شام میں حملوں کے بعد روس نے خبردار کردیا ہے، روسی وزیرخارجہ سرگئی لاروف کا کہنا تھا کہ اسرائیل کو شام میں حملوں سے گریز کرنا چاہیے، یہودی ریاست کے لاپرواہ اقدامات مشرق وسطیٰ میں امن تباہ کرسکتے ہیں۔
روسی وزیر خارجہ سرگئی لاروف نے مزید کہا کہ ماسکو دمشق اور دیگر علاقائی شراکت داروں کے ساتھ رابطے کو برقرار رکھنا چاہتا ہے۔
- Advertisement -
انھوں نے کہا کہ شام کے ٹکڑے کرنے کی اجازت کسی کو نہیں ہونی چاہیے، روس متحد شام دیکھنا چاہتا ہے اور نئی انتظامیہ سے تعلقات چاہتا ہے۔
روسی وزیرخارجہ نے کہا کہ شامی نئے سربراہ نے روس کیساتھ تعلقات کو دیرینہ، اسٹریٹیجک قرار دیا ہے، روس شام کی نئی عبوری انتظامیہ سے سفارتی و فوجی سطح پر رابطے میں ہے۔
