اسرائیل کے دارالحکومت تل ابیب پر ڈرون حملہ کیا گیا ہے، جس کے نتیجے میں ایک شخص ہلاک جبکہ 4شدید زخمی ہوگئے۔
بین الاقوامی خبر رساں ادارے کی رپورٹ کے مطابق اسرائیلی کی امدادی تنظیم ‘ ریڈ داودی اسٹار’ کا کہنا ہے کہ دھماکہ تل ابیب کے مرکز میں امریکی سفارت خانے کے قریب ڈرون حملے کے باعث ہوا، جس کے نتیجے میں ایک شخص ہلاک اور 4 زخمی ہو گئے۔
اسرائیل کے فوجی ترجمان کے مطابق دھماکہ ایک فضائی عنصر کے سبب ہوا ہے، دھماکے سے قبل وارننگ سائرن نہیں بجے۔ حملے کے حوالے سے تحقیقات کا آغاز کردیا گیا ہے۔
بیان کے مطابق فوج کی طرف سے عوام کے لئے سکیورٹی وارننگ میں کوئی تبدیلی نہیں ہوئی، اسرائیل ائیر فورس نے ملکی فضائی حدود کے تحفظ کے لئے پیٹرولنگ سخت کر دی ہے۔
واضح رہے کہ یمن کے حوثیوں کے فوجی ترجمان یحییٰ سیری نے سوشل میڈیا ایکس سے جاری کردہ بیان میں تل ابیب پر حملے کی تصدیق کی اور کہا ہے کہ حملے کی تفصیلات بعد میں جاری کی جائیں گی۔
چین: دریا پر تعمیر کیا گیا پُل پانی میں گر گیا، درجنوں لاپتہ
حوثیوں کی جانب سے اس سے قبل بھی، غزّہ پر 7 اکتوبر سے جاری حملوں کی وجہ سے، اسرائیل پر جوابی ڈرون اور میزائل حملوں کا اعلان کیا جاچکا ہے اور کئے گئے حملوں کی ویڈیوز بھی جاری کی گئی ہیں۔
