اسرائیلی فوج نے قیدیوں کے تبادلے کے دوران کوریج کو روکتے ہوئے ترک ٹی وی کی ٹیم پر حملہ کر دیا۔
غیر ملکی میڈیا رپورٹس کے مطابق اسرائیلی فوج نے ترک ٹی وی ٹی آر ٹی کی میڈیا ٹیم پر حملہ کیا ہے، قیدیوں کے تبادلے کے دوران اسرائیلی فوج نے میڈیا ٹیموں کو کوریج سے بھی روکا، اور اُن پر آنسو گیس اور دھوئیں کے شیل برسائے۔
ترک ادارے کے کمیونیکیشن ڈائریکٹر نے واقعے کی بھرپور مذمت کرتے ہوئے کہا کہ اسرائیل بین الاقوامی قوانین کی پاس داری کرے۔
That is how #Israel releases prisoners under the exchange agreement .. by attacking media & ambulances awaiting the prisoners release
— Mazen Mahdi ⭕️ (@MazenMahdi) November 25, 2023
ادھر برطانوی ٹی وی اسکائی نیوز نے رپورٹ کیا ہے کہ اسرائیلی پولیس فلسطینی قیدیوں کی واپسی کی کوریج کو دبا رہی ہے، جب کہ دوسری طرف اسرائیلی یرغمالیوں کی رہائی کی بھرپور کوریج ہو رہی ہے۔
غزہ میں فلسطینیوں کا تاریخ کا تیز ترین قتلِ عام، نیویارک ٹائمز کی دل دہلا دینے والی رپورٹ
رپورٹ میں بتایا گیا ہے کہ یروشلم کے پرانے شہر میں ایک عرب فلسطینی گھرانے کے چار افراد کی رہائی پر جب ان سے ملاقات کی کوشش کی گئی تو اسرائیلی پولیس نے صحافیوں سے کہا ’’ابھی نہیں۔‘‘
