جنگی جنون میں مبتلا اسرائیل کی جانب سے لبنان میں گاڑی پر ڈرون حملہ کیا گیا ہے، جس میں حزب اللہ کے 3 ارکان شہید ہوگئے۔
غیر ملکی ذرائع ابلاغ کے مطابق اسرائی فضائیہ کی جانب سے جنوبی لبنان میں گاڑی کو سرحدی علاقے نقورہ میں ٹارگٹ کیا گیا۔
میڈیا رپورٹس کے مطابق اسرائیلی ڈرون حملے میں شہید ہونے والے افراد کی شناخت کو تاحال ظاہر نہیں کیا گیا ہے۔
- Advertisement -
دوسری جانب غزہ میں اسرائیل نے بمباری کرکے حماس کی قید میں موجود اپنے ہی 7 قیدیوں کو موت کے گھاٹ اُتار دیا۔
فلسطینی مزاحمتی تنظیم حماس کی جانب سے جاری بیان میں کہا گیا ہے کہ اسرائیل نے غزہ پر بمباری کرکے اپنے ہی 7 قیدیوں کی جان لے لی ہے۔
حماس کے جاری بیان کے مطابق اسرائیلی بمباری کے نتیجے میں ہلاک ہونے والے ان قیدیوں کی ہلاکت کا اعلان چند ہفتوں سے جاری تحقیقات کے بعد کیا گیا ہے۔
